WES-KAAP. – ’n Seun (15) is Saterdagmiddag, omstreeks 16:00, deur ‘n pofadder aan sy vinger gepik.
Boland Snake Removals 24/7 and Pest Control sê in ‘n sosialemediaplasing die seun, bekend as TJay, is onmiddellik op aanbeveling van dié diens na die Clanwilliam-hospitaal, ‘n hospitaal wat goed toegerus is om slangbyte te hanteer, geneem. By die hospitaal is die jong seun op ‘n drup gesit gesit en toetse is begin om te bepaal hoeveel slanggif in sy liggaam opgeneem is. Volgens die plasing kan die seun ernstige pyn en branderigheid verwag, wat algemeen is ná ’n pofadderbyt.
Mediese personeel by die hospitaal is deur dié diens as “ysters” beskryf. “Sterkte boeta, dis niks lekker waardeur jy nou moet gaan nie; ten minste kan jy Maandag se week skool skip.“
