INTERNASIONAAL. – Marokko het glo begin om rondloperhonde dood te maak ter voorbereidings vir die 2030 Wêreldbeker. Berigte dat die Noord-Afrikaanse land beplan om meer as drie miljoen honde van kant te maak, het ‘n paar weke gelede begin kop uitsteek.
Volgens WIONEWS.com het die land word deur kritiek in die gesig gestaar te midde van bewerings dat hy van plan is om miljoene rondloperhonde dood te maak om sy strate “skoon te maak” as mede-gasheer saam met Portugal en Spanje van die 2030 FIFA Wêreldbeker.
Diereregtegroepe beweer dat meer as drie miljoen rondloperhonde in gevaar is, met berigte wat daarop dui dat honde reeds geskiet of vergiftig word.
Die Marokkaanse ambassade in Londen het die bewerings ontken en gesê daar is geen uitwissingsveldtog nie. Die land het sy verbintenis tot menslike en etiese dierebestuur herbevestig.
FIFA werk intussen saam met die Internasionale Dierewelsyn en -beskermingsvereniging om aanbevelings oor dierewelsyn aan die Marokkaanse owerhede voor te lê.
Bronne: WIONEWS.com, The Independent
