Die SAPS in Mpumalanga het menslike oorskot in die ingewande van ‘n krokodil in die Komatirivier by Komatipoort gevind. DNS-toetse sal uitgevoer word om vas te stel of dit die oorskot van ‘n sakeman is wat vroeër as vermis aangemeld is.
KYK DIE VIDEO:
Die sakeman se Ford Ranger is voorheen op ‘n laagwaterbrug in die Komatirivier vasgekeer aangetref, waarna hy vermis geraak het. ‘n Gesamentlike span bestaande uit die SAPS Soek- en Reddingseenheid, NatJoint, SanParks, EMS, Securecon en die Hawebestuurskomitee het ‘n week lank na hom gesoek. Die span het ‘n krokodil in die rivier geïdentifiseer wat vermoedelik die aanval uitgevoer het en het toestemming verkry om die dier te eutanaseer. Die oorskot is daarna uit die krokodil verwyder.
Die Waarnemende Provinsiale Kommissaris, Majoor-generaal (dr) Zeph Mkhwanazi, het die span se werk onder gevaarlike toestande geprys.
