In ons wêreld waar ons heeltyd verbind is met alles en almal, het dit ‘n luuksheid geword om aflyn te wees. Mense bestee deesdae groot bedrae geld aan “digitale detoks”-wegbreke, selfoonvrye koffiewinkels en luukse reiservarings waar ontkoppeling verpligtend is – alles om weg te kom van die druk van algoritmes en die verwagting om voortdurend beskikbaar te wees.
Die gasvryheidsbedryf maak toenemend voorsiening vir mense wat gestruktureerde omgewings nodig het om hul skermtyd te beperk. Sommige maatskappye bied afgeleë wegbreke in die natuur aan waar besoekers hul toestelle met aankoms moet ingee. Werkwinkels oor bewustheid fokus weer daarop om mense met die fisieke wêreld te herenig deur meditasie, buitelugaktiwiteite en gemeenskaplike etes sonder skerms.
Ja, om onbereikbaar te wees, word inderdaad al hoe meer as ’n statussimbool beskou.
Bronne: Reddit, Business Insider
