NOORDWES. – Die departement van water en sanitasie ondersoek die gedeeltelike ineenstorting van ’n uitskotdam by Samancor se Dikwena Chrome-myn naby Brits.
Wisane Mavasa, woordvoerder van die departement, sê die noordelike wal van ’n kompartement het op 13 Augustus ingegee, waarna bykans al die gestoorde slik vrygestel is. Niemand is beseer nie, maar skade is aan myninfrastruktuur, ’n spoorlyn en Eskom se kraglyne aangerig. ’n Waterloop is ook besoedel. Die slik is deur ’n spoorlynwal en walle by ’n nabygeleë myn gekeer om na die R566 te vloei.
Watermonsters is geneem en die uitslae word afgewag. Die myn is intussen gelas om die storting van uitskotmateriaal in sy uitskotdamme te staak, hangende die ondersoek.
Druk hier om meer te lees.
