KWAZULU-NATAL. – Inwoners van Verulam se sentrale sakegebied het gekla oor mans wat na bewering op of by grafstene by die Wickstraat-begraafplaas masturbeer.
Reaction Unit South Africa (Rusa) sê inwoners beweer dat die tipe voorvalle sedert Januarie voortduur en dat tot vier mans gereeld by die begraafplaas gesien word. Hulle kyk na bewering pornografiese video’s op of by grafte en grafstene terwyl hulle onwelvoeglike dade verrig. Die klank van die video’s kan volgens inwoners deur kinders in omliggende woonkomplekse gehoor word. Pogings deur munisipale werkers en lede van die publiek om die mans weg te jaag, het glo nie daarin geslaag om die gedrag te stop nie.
Rusa sê sy hommeltuigoperateur sal gereelde lugpatrollies oor die begraafplaas uitvoer en reaksiebeamptes sal ontplooi word wanneer nodig.
