WASHINGTON.– Volgens berigte deur die BBC is die wêreld se grootste vliegdekskip, die Amerikaanse USS Gerald R Ford, op pad na die Midde-Ooste.
Dit kom te midde van die druk wat Washington op Iran uitoefen oor sy militêre program en onlangse optrede teen betogers.
Volgens BBC Verify het die skip Vrydag deur die Straat van Gibraltar beweeg.
Amptenare van die VSA en Iran het terselfdetyd vroeër hierdie week ’n tweede rondte onderhandelinge in Switserland gehou. President Donald Trump het gesê die wêreld sal binnekort weet of die VSA ’n ooreenkoms met Iran bereik het of militêre aksie neem.
In reaksie op die Amerikaanse teenwoordigheid het Iran mariene oefeninge geloods, insluitend skeepsinspeksies en missiele afgevuur. Volgens berigte het operasionele eenhede van beide Iran se gewone vloot en die Islamic Revolutionary Guard Corps (IRGC) aan die oefening deelgeneem.
Iran se opperleier, die ajatolla Ali Khamenei, het Dinsdag gedreig om as vergelding ’n Amerikaanse oorlogskip te sink. Geen Amerikaanse vliegdekskip is sedert die einde van die Tweede Wêreldoorlog suksesvol deur vyandelike aksie vernietig nie.
Hierdie aksies beklemtoon die verhoogde spanning en risiko in die streek.
Bron: US build-up of warships and fighter jets tracked near Iran
https://www.bbc.com/news/articles/c1d64p3q2d0o
Iran Is Threatening to Sink a US Aircraft Carrier. Can It?
Iran Is Threatening to Sink a US Aircraft Carrier. Can It? – The National Interest
Here’s what we know about the buildup of U.S. military assets in the Middle East
Foto bron: PBS News
