Die amptelike werkloosheidskoers het volgens Statistieke Suid-Afrika (Stats SA) se kwartaallikse arbeidsmagopname, wat Dinsdag 10 November bekend gemaak is, in die derde kwartaal van 2026 met 0,1 persentasiepunt van 33,6% tot 33,7% gestyg. Teenoor die vorige kwartaal het die aantal mense met werk met 101 000 tot 16,8 miljoen toegeneem, terwyl die aantal werklose mense met 97 000 tot 8,6 miljoen gestyg het. Die arbeidsmag het dus met 198 000 mense gegroei.
Stats SA sê die formele sektor het 268 000 meer mense in diens gehad, terwyl indiensneming in die informele sektor met 98 000 gedaal het. Die grootste toename was in finansies (111 000), vervaardiging (33 000) en mynbou (31 000).
Die Wes-Kaap het die grootste provinsiale toename aangeteken, met 48 000 meer mense in diens, gevolg deur Noordwes met 45 000. Indiensneming het in die Vrystaat met 34 000 en in Mpumalanga met 30 000 afgeneem.
Die werkloosheidskoers onder 15- tot 34-jariges het van 47,4% tot 47,3% gedaal. Die breër maatstaf wat werkloosheid en die potensiële arbeidsmag saam meet, het met 0,2 persentasiepunt tot 44,0% gestyg.
Druk hier om meer te lees.
