Lees ook: IR beboet departement van onderwys R5 m. oor matriekuitslae
AfriForum is van plan om regstappe teen die Inligtingsreguleerder van Suid-Afrika te neem as dit voortgaan met ’n dringende hofaansoek om die plasing van die 2024-matriekuitslae in die media te keer.
Die Inligtingsreguleerder het die hof genader vir ’n bevel teen die departement van basiese onderwys om te keer dat die matriekuitslae in die koerante bekend gemaak word. Volgens die reguleerder is die plasing van die uitslae ’n oortreding van die Popi-wet. Die reguleerder het die departement R5 miljoen beboet omdat dit volgens die reguleerder ‘n afdwingingsbevel oor die matriekuitslae verontagsaam het.
Die departement van onderwys het gesê dit gaan steeds voortgaan met die plasing van die matriekuitslae in die media. Volgens die departement plaas dit nie die name van die leerlinge nie, dus word aan die Popi-wet voldoen.
Die Inligtingsreguleerder se aansoek sal op 7 Januarie in die hof aangehoor word voor die uitslae geplaas word. AfriForum het gesê as die Inligtingsreguleerder voortgaan met die saak, wil dit by die saak teen die onderwysdepartement gevoeg word.
Bronne: IOL, IT Web, SABC
Lees ook: IR beboet departement van onderwys R5 m. oor matriekuitslae
