AfriForum het ’n finale hofoorwinning behaal wat Eskom dwing om sy kontrakte vir ondersoek beskikbaar te maak. Die uitspraak beteken dat alle ooreenkomste oor die aankoop, vervoer en verspreiding van steenkool en diesel, asook kontrakte vir elektrisiteitsverskaffing aan buurlande, nou bekend gemaak moet word.
Eskom se poging om die saak om te keer is met koste van die hand gewys deur die hof, wat beteken Eskom moet die regskoste dra. Die saak het bykans vier jaar geduur sedert die oorspronklike aansoek ingedien is. ‘n Span kundiges wat deur AfriForum saamgestel sal word, sal die kontrakte bestudeer.
Druk hier om meer te lees. Lees die volledige hofdokument hier: Judgment-appeal-dismissed-with-costs
