Die ANC in Gauteng sal na verwagting buite die Kgosi Mampuru II- korrektiewe sentrum in Pretoria betoog om hulle afkeur te wys oor die vrylating van Janusz Walus. Janusz Walus het Chris Hani doodgeskiet.
Die party, asook Cosatu en die SACP, het Woensdag as die “Chris Hani-dag van aksie” verklaar.
Walus is in 1993 tot lewenslange tronkstraf gevonnis vir die moord op Chris Hani en is al amper drie dekades in die tronk.
Die ANC, Cosatu en SACP het hulle ongelukkigheid uitgespreek met die Konstitusionele Hof se besluit om Walus op parool vry te laat.
Die ANC het gesê Walus moenie vrygelaat word nie, want sy daad het amper ’n burgeroorlog in Suid-Afrika veroorsaak.
Bronne: Eyewitness News, The Citizen, IOL
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
Lees ook: Trok met eksamenvraestelle gekaap
