Baba sterf in grubotsing

Lees ook :

Foto: ALS Paramedics

KWAZULU-NATAL. – ’n Baba het Sondagmiddag tydens ’n ernstige ongeluk reg van voor op die M35 in Foweni, suid van Durban, gesterf. Terwyl reddingswerk aan die gang was, is ’n baba van vermoedelik minder as ’n maand oud in een van die voertuie gevind. Die baba het noodlottige beserings opgedoen en is op die toneel dood verklaar.

Garrith Jamieson van ALS Paramedics sê nooddienswerkers het kort ná die oproep vir hulp op die toneel aangekom en gevind dat twee swaar beskadigde voertuie die pad versper het. Albei bestuurders was vasgekeer in die wrakke, waarna die Ethekwini-brandweer met spesialistoerusting ingeroep is om hulle te bevry. Die twee bestuurders is gestabiliseer en na ‘n hospitaal vervoer.

Die presiese oorsaak van die ongeluk is nog nie bekend nie, en die polisie ondersoek die voorval.

Nuusflits.com moedig gesonde debat en vrye meningsuiting aan, maar behou die reg voor om enige kommentaar te verwyder wat haatspraak, laster, persoonlike aanvalle, diskriminasie, vulgêre taal of enige vorm van onwettige, beledigende of onvanpaste inhoud bevat.

Die menings en uitsprake in die kommentaar-afdeling is dié van die individuele skrywers en verteenwoordig nie die standpunte van Nuusflits.com nie.

Deur kommentaar te plaas, aanvaar gebruikers volle verantwoordelikheid vir die inhoud daarvan.

Detecting your platform...

Klik hier om ons toep af te laai Nuusflits App

Teken in op ons nuusbrief