Die departement van binnelandse sake het ’n landwye veldtog aangekondig om mense te help wie se ID-nommers voor November 2022 geblok is. Diegene wat geraak is, het tyd tot 10 Julie om geholpe te raak.
Thulani Mavuso, departementele woordvoerder, sê geraakte individue moet persoonlik na enige binnelandse sake-kantoor gaan om verklarings en ondersteunende dokumente in te dien. Die departement sê mense moet dokumente, soos geboortesertifikate, kliniekkaarte, skoolrekords en ander bewys van identiteit of herkoms saamneem indien moontlik. Meer as 2,2 miljoen ID-nommers is reeds heraktiveer nadat dit vroeër geblok is weens moontlike duplikate, foutiewe inligting of ander onreëlmatighede.
Volgens die departement kan versuim om op te daag daartoe lei dat ID-nommers uiteindelik gekanselleer word nadat die administratiewe proses voltooi is.
Druk hier om meer te lees.
