Die Springbokke het die Barbarians Saterdag met 54-7 oorweldig om die Qatar Airways-beker vir die derde keer te wen. Op ‘n sopnat DHL Stadion in Kaapstad was die Bokke hopeloos te sterk en was halftyd reeds 19-0 voor. Hul het altesaam 8 drieë gedruk teenoor die Baabaas se een. Jessie Kriel, wat as Kaptein oorgeneem het by ‘n beseerde Siya Kolisie, het van voor gelei en puik aangeval en verdedig. Soos gewoonlik, het Kaapstad se gunsteling, Cheslin Kolbe, nie teleurgestel nie en kookwater rugby opgelewer.
Puntemakers:
Springbokke 54 (19) – Drieë: Malcolm Marx, Cheslin Kolbe,
Vincent Tshituka (2), Jan-Hendrik Wessels, Kurt-Lee Arendse, Lood de Jager,
Damian De Allende. Doelskoppe: Sacha Feinberg-Mngomezulu (2), Manie
Libbok (5).
Barbarians 7 (0) – Drie: Melvyn Jaminet. Verdoel: Jaminet.
