Lees ook: Springbok-trofeebus ry in heining vas
Bongi Mbonambi het Engeland gekritiseer en “onprofessioneel” genoem na hy vrygespreek is van Tom Curry se beskuldigings dat hy ‘n rassistiese opmerking tydens ‘n Wêreldbeker-rugbywedstryd gemaak het.
Wêreldrugby het “nie genoeg bewyse” gevind om Curry se bewering dat Mbonambi hom ’n “white c****” genoem het, te bewys nie.
Mbonambi het gesê die voorval is veroorsaak deur Curry wat nie besef het Mbonambi praat Afrikaans nie, iets wat die span doen sodat die opposisie hulle nie verstaan nie.
Hy het aan BBC gesê: “Dit is hartseer wanneer jy in ’n eerstewêreldland (Engeland) bly en dink die res van die wêreld praat Engels”. Hy het bygevoeg: “Dit was onprofessioneel van hulle. Hulle kon na ’n webtuiste gegaan het vir ’n Engelse woordeboek en die woord in Afrikaans opgesoek het.”
Wêreldrugby het gesê Curry het die beskuldigings in “goeie geloof” gemaak en het gesê daar is geen rede om te dink dit was “aspris vals of kwaadwillig” nie.
Bronne: IOL, Super Sport, SA Rugby Magazine
Lees ook: Springbok-trofeebus ry in heining vas
