INTERNASIONAAL. – Bonnie Tyler (74), die wêreldberoemde sangeres, is in ‘n hospitaal in Faro, Portugal, opgeneem vir noodchirurgie aan haar ingewande. Die sangeres wat bekend is vir treffers soos Total Eclipse of the Heart, het ‘n huis in die Portugese kusstad.
Die noodoperasie is Woensdag met ‘n verklaring op Tyler se webtuiste en sosiale media bevestig. Die operasie het goed afgeloop en Tyler herstel tans onder mediese toesig. Sy was voor die voorval besig om voor te berei vir ‘n toer later in 2026. Haar toestand is tans stabiel.
