MPUMALANGA. – Agt mense het vanoggend gesterf en nog een is kritiek beseer toe ’n minibustaxi en ’n vragmotor gebots het. Die ongeluk het op die N4-tolpad tussen Ngodwana en Waterval-Onder, in die rigting van Waterval-Boven, plaasgevind.
Moeti Mmusi, woordvoerder van die provinsiale departement van gemeenskapsveiligheid, sekuriteit en skakeling, sê nooddienspersoneel is kort ná die ongeluk na die toneel ontbied. Hy het bygevoeg dat die oorsaak van die ongeluk nog onbekend is en dat ’n volle ondersoek reeds begin het. Verdere besonderhede sal later bekend gemaak word.
