Die sanger en komediant, Bouwer Bosch, en sy lewensmaat, Lucinda Neethling van die musiekgroep Die Melktert Kommissie, het op Kersdag via sosiale media bekendgemaak dat hulle ’n babadogtertjie aangeneem het.
Hulle is al vir twee en ’n half jaar ’n paartjie. Bouwer het gesê dit is hulle eerste Kersfees saam as ’n gesin.
Aanhangers wag geduldig nadat hy belowe het om binnekort die aannemingsverhaal te deel. Die dogtertjie se naam is glo Liriek Rosa.
Marie-Louise Diedericks van die musiekgroep Klopjag het die volgende kommentaar op die aankondiging gelewer: “Welkom liefste Liriek Rosa! Ek is onbeskryflik bly saam met julle! Wat ’n wonderlike nuwe hoofstuk!”
Bronne: Facebook, Instagram
Kry jou nuutste nuus elke oggend per e-pos. Teken hier aan:
