VSA. – ’n Pasgetroude paartjie se droomtroue is ontwrig toe die bruid se broer, tesame met haar nefies, 20 groot pizzas na hulle troue gebring het. Hulle het die pizzas aan gaste uitgedeel.
Die voorval het plaasgevind nadat die paartjie, wat al drie jaar lank “vegan” is, ’n eksklusiewe spyskaart van R285 000 vir die onthaal saamgestel het sonder om gaste vooraf in te lig dat dit “vegan” sou wees.
Die spyskaart, wat geregte soos sampioen-wellington, truffelrisotto en groentetertjies ingesluit het, is deur die bruid en haar man maande lank saam met ’n sjef beplan. Volgens die bruid was die doel om gaste se vooroordele teenoor veganistiese kos te vermy en die kos bloot te laat geniet.
Die situasie het eskaleer toe die broer aankondig dat daar nou “regte kos” beskikbaar is. Die bruid het later uitgevind dat haar tannie die pizzas gereël het ná klagtes oor die spyskaart. Die moeder van die bruidegom het selfs op sosiale media geskryf dat die troue “gered is deur pizza.”
Die bruidegom het die familielede wat die pizza gereël het, gevra om die troue te verlaat, wat verdere konflik ontketen het. Die paartjie is deur sommige familielede beskuldig van arrogansie en dat hulle hul leefstyl op gaste afdwing.
Aanlyn gebruikers het gemengde reaksies op die voorval gehad. Baie het die familie gekritiseer vir hul optrede en gebrek aan respek, terwyl ander gevra het waarom die paartjie nie vooraf eerlik oor die vegan spyskaart was nie.
Bronne: New York Post, New Zealand Herald, CafeMom
