Die tweejarige Chevonne Rusch, wat na bewering deur haar ma sê kerêl mishandel en vermoor is, kan nie begrawe word nie, omdat sy tegnies nie “bestaan” nie. Haar ma, Rochelle Botha, het haar nooit met geboorte geregistreer nie.
Stefan van Niekerk, die man wat daarvan verdink word dat hy die tweejarige Chevonne Rusch mishandel en toe vermoor het, is tans in aanhouding. Hy het op 25 Mei in die hof verskyn, maar sy borgaansoek laat vaar.
Die polisie is twee weke gelede na ’n kliniek in Primrose, Ekurhuleni, ontbied waar hulle ingelig is dat Chevonne deur haar toekomstige stiefpa na die kliniek gebring is en kneusplekke aan haar lyf gehad het.
Sy is met haar aankoms by die hospitaal dood verklaar.
