NOORD-KAAP. – Die DA het die polisie gevra om dringend op te tree ná ’n toename in brandstigting by munisipale kragbokse in Kimberley.
Volgens Lisa Schikerling, provinsiale voorsitter, het die voorvalle in gebiede soos Diamant Park, Herlear, die SSK en Monument Heights dele van die stad sonder elektrisiteit gelaat en groot ontwrigting vir inwoners en sakepersele veroorsaak. Sy sê die aanvalle raak nie net infrastruktuur nie, maar ook mense se veiligheid en daaglikse lewens, met ‘n verhoogde misdaadrisiko tydens kragonderbrekings.
Die DA vra dat die polisie alle sake moet ondersoek, oortreders opspoor en streng vervolg, terwyl polisiesigbaarheid in die gebied verhoog moet word.
