OOS-LONDEN. – Drie geskorste personeellede van die Oos-Londen DBV is ontslaan. Hulle het verlede maand in ‘n video verskyn waarin ‘n gans se nek met ‘n voorwerp afgesny word.
Die Nasionale Raad van Dierebeskermingsverenigings (NDBV) het ‘n klag teen die voormalige personeellede gelê. Na ‘n tugverhoor is al drie werknemers aan dieremishandeling skuldig bevind en met onmiddellike effek ontslaan.
Video van mense in DBV-uniforms versprei op sosiale media
FiNDiT het verlede maand berig oor ‘n video van mense wat die Oos-Londense DBV-uniforms aan het. In die video, wat oral op sosiale media geplaas is, sny hulle ‘n gans se nek met ‘n voorwerp af terwyl die gans vasgedruk word.
“Die Oos-Londen DBV word tans bestuur deur die NDBV, met behulp van die NDBV se hulpbronne, as ‘n tussentydse oplossing totdat ‘n nuwe komitee saamgestel word. Ons bedank die publiek vir hul ondersteuning en geloof in die NDBV om te doen wat reg is en in die beste belang van diere in ons land,” sê die NDBV in ‘n verklaring.
LEES OOK: KYK: Man in uniform slaan motorbestuurder deur die gesig
Hou FiNDiT dop vir die nuutste nuus.
