AMANZIMTOTI. – Werner de Jager (43), die eggenoot van Liezel de Jager (38), die vermoorde dominee van Amanzimtoti, is glo vermis.
‘n Boodskap wat op die gemeente se WhatsApp-groepe uitgestuur is, lui soos volg:
Voorbidding:
Gemeentelede, ons moet ongelukkig die hartseer nuus met u deel dat Werner, soos in die verlede, weer “weg geraak” het.
Anders as in die verlede is hy hierdie keer al meer as 24 uur weg.
Bid asb. vir Lané en Ila [kinders]. Bid asb vir die De Jager en Van Zyl gesinne
Hulle het alreeds sóveel seer.
Kom ons vou hulle in gebed toe en plaas hulle op ons Vader se skoot, asb.
Ons vra asb dat u uit respek die familielede ruimte gee. Ons sal u op hoogte hou.
Dit is nie bevestig of Werner as vermis aangemeld is nie.
