Lees ook: Afriforum en Solidariteit gee Ramaphosa en Gwarube spertyd oor Bela-wet
MBUZINI. – Drie mense se liggame is Vrydag op ’n handelsplaas by Khombaso in Mbuzini gevind.
Die plaaseienaar het gesê sy het gegaan om die plaas oop te sluit toe sy twee mans op die erf sien lê het. Sy het ook ’n leer langs ’n gebou gesien. Die plaaseienaar het gesien die mans lyk of hulle dood is en het die polisie gebel.
Die polisie het nog ’n man se liggaam in die tuin op die plaas gekry. Dit is moontlik dat die mans op die plaas was om iets onwettig te doen. Hulle het sigbare beserings gehad.
Spykers is uit die sinkdak van die gebou verwyder en die leer is moontlik deur die mans gebruik om op die dak te kom.
’n Bakkie wat aan die brand gesteek is, waarvan die nommerplate nog sigbaar was, is naby die toneel gevind en is moontlik deur die mans as vervoer gebruik.
Die identiteit van die mans is onbekend en die polisie ondersoek die saak.
Bronne: SAPD
Lees ook: Afriforum en Solidariteit gee Ramaphosa en Gwarube spertyd oor Bela-wet
