WES-KAAP. – Die Stad Kaapstad het sy eerste deurry vir voertuiglisensies in Brackenfell bekendgestel. Motoriste kan nou hul voertuiglisensies binne vyf minute hernu sonder om uit hul voertuie te klim.
Die fasiliteit is op die hoek van Reservoir- en Kruispadweg geleë en sal weeksdae van 11:30 tot 19:30 en Saterdae van 11:00 tot 14:30 oop wees.
“Die drive-through aanvaar slegs kaartbetalings en is tans net vir lisensiehernuwing beskikbaar,” het raadslid Siseko Mbandezi, burgemeesterskomiteelid vir finansies, gesê.
Hy het gesê motoriste kan eenvoudig ’n hernuwings-SMS toon en hul skyf vinnig ontvang. Die Stad beoog om die diensure te verleng en ander soortgelyke fasiliteite te ondersoek.
Druk hier om meer te lees.
(Van links na regs) Wilmot Abrahams, inkomste-bestuurder: Gespesialiseerde Dienste, Eloise de Villiers, direkteur: Inkomste, Sibongile Makhapela, assistent-hoof: Verkeersdienste, Gerhardus Helberg, assistent-hoof: Verkeersdienste, Raadslid Kyle Carls, voorsitter van Subraad 2, Raadslid Siseko Mbandezi, burgemeesterskomiteelid vir finansies, Nadine Hermanus, waarnemende bestuurder van Subraad 2 en raadslid Johan Loots van Wyksraad 8.
