Ontvang FiND iT se nuusbriewe – teken hier aan
‘n Fondsinsameling vir die polisieman wat aangekla is van die moord op Nahel Merzouk (17) in Parys is gister gestop.
Die fondsinsameling, wat €1.6 miljoen sterk was, is deur Jean Messiha, wat voorheen vir presidensiële kandidate gewerk het, begin.
‘n Fondsinsameling wat vir Nahel se ma begin is, het teen gisteraand slegs €400,000 geïn.
Die fondsinsameling vir die polisieman is hewig gekritiseer deur verskeie politici en die prokureur vir Nahel se familie het aangekondig hy het ‘n kriminele klag gaan maak.
Messiha het op Twitter gekla oor die klag teen hom en het Nahel se familie en die regsisteem vir sy dood blameer.
Nahel is 27 Junie by ‘n padblokkade doodgeskiet toe hy glo probeer wegry het nadat hy na bewering deur ‘n polisieman gedreig is. Nahel se dood het tot dae van onrus regoor Frankryk gelei.
Bronne: Euronews, VN Explorer, The Guardian, Washington Post
Lees ook: Brandweerman sterf tydens Parys-onrus, burgemeester se huis aangeval
