Lees ook: Polisie ondersoek ‘sindikaat’ wat glo LGBTQ-gemeenskap teiken
JOHANNESBURG. – Sewe mans wat glo ’n Wits-student ontvoer het, is gister borg in die Johannesburgse landdroshof geweier.
Die NVG het gesê die sewe mans word ook aangekla van poging tot moord en afpersing na hulle glo die student se familie R30 000 gevra het om hom terug te gee.
Die beskuldigdes het glo in September die student op die Grindr-toep gelok na die Denver-manskoshuis waar hulle hom gyselaar geneem het en R30 000 by sy familie geëis het.
Die polisie het een van die beskuldigdes gevang toe hy die losprysgeld gaan trek het. Hy het hulle gelei na die koshuis waar die student gekry is. Die mans is glo aan nog 86 sake soortgelyk aan dié een verbind.
Die saak is tot 15 November vir verdere ondersoek uitgestel.
Bronne: IOL, TimesLIVE, The Africa
Lees ook: Polisie ondersoek ‘sindikaat’ wat glo LGBTQ-gemeenskap teiken
