Die departement van basiese onderwys het bevestig dat daar geen spesiale skoolvakansie op 28, 29 en 30 April 2026 is nie.
Volgens die amptelike 2026-skoolkalender is hierdie dae gewone skooldae en moet leerlinge normaalweg by skole aanmeld vir onderrig. Die departement sê dié datums val binne die tweede skooltermyn, wat van 8 April tot 26 Junie 2026 strek. Die departement waarsku dat vals inligting op sosiale media versprei word wat beweer dat skole gedurende dié tyd gesluit sal wees. Hulle sê dié bewerings is onwaar en kan leer en beplanning ontwrig.
Ouers en leerlinge word aangemoedig om slegs amptelike bronne te gebruik en nie onbetroubare inligting aan te stuur nie.
