SANTE FE, NEW MEXICO. – Die polisie het die dood van akteur, Gene Hackman en sy vrou, Betsy Arakawa, “agterdogtig” genoem en is besig om dit te ondersoek.
Lees ook: Bekende akteur en sy vrou dood gevind in hulle huis
Die paar se ontbindende liggame is Woensdag in hulle huis gevind deur twee werkers wat by die huis was om werk aan die huis te doen.
Arakawa se liggaam is in die badkamer ontdek met voorskrifpille naby haar op die vloer ’n Dooie hond is in die badkamerkas gevind. ’n Verwarmer was naby haar kop geplaas. Nog twee lewende honde was op die eiendom. Hackman se liggaam is in ’n kamer naby die kombuis aangetref, met sy sonbril langs hom.
Daar was geen tekens van ’n inbraak of gaslekke nie.
Die uitslae van die nadoodse ondersoek en toetse om uit te vind of daar dwelms in die oorledenes se liggame was, is nog nie bekend nie. Daar is sover geen tekens van ’n gewelddadige dood aan die liggaam van die gestorwenes gevind nie.
Bronne: The Statesman, Jacaranda FM, The Independent
Lees ook: Bekende akteur en sy vrou dood gevind in hulle huis
