MPUMALANGA. – Mynhardt Moolman, ‘n gr. 4-leerling van Laerskool Middelburg in Mpumalanga, het weens ‘n fratsongeluk, waarvan die besonderhede onbekend is, gesterf.
Laerskool Middelburg het die jong seun se afsterwe op sosiale media bekendgemaak en simpatie aan sy gesin en die res van sy familie uitgespreek.
Karen Mooman het op een van die skool se twee plasings haar hartseer oor haar kleinseun se afsterwe uitgespreek: “My Mynie Beertjie…..Oupa en Ouma se hart is gebreek. Hoe moet ons aangaan met die Lewe Sonder jou daarin. Jy was my Sonstraaltjie. Lief jou vir Altyd. Vir Altyd sal jy in ons Harte wees.”
