GASA. – Hamas het gesê dit oorweeg die voorstel vir vrede wat deur die Amerikaanse president Donald Trump gemaak is.
Lees ook: Malema se vuurwapensaak gaan vandag voort
As Hamas instem tot die plan, sal daar ‘n onmiddellike skietstilstand wees, asook die onttrekking van Israeliese magte tot ‘n “lyn waarop ooreengestem is” en alle gyselaars vrygelaat word. Palestynse gevangenes sal ook vrygelaat word en noodhulp sal in Gasa toegelaat word.
Die plan stel ook voor dat Gasa regeer word deur ‘n oorgangsregering wat Palestynse en internasionale kenners insluit.
Die Israeliese eerste minister, Benjamin Netanyahu, en Donald Trump het albei Hamas gewaarsku oor die gevolge as hulle die nuwe ooreenkoms verwerp. Trump het gesê Netanyahu sal sy volle ondersteuning hê “om te doen wat jy sal moet”.
Bronne: BBC, Daily Mail, Sky News
