Lees ook: Harvey Weinstein in New York vir herverhoor
NEW YORK, VSA. – Die voormalige filmvervaardiger Harvey Weinstein het ’n noodhartoperasie ondergaan ná ’n “massiewe hoeveelheid vloeistof in sy longe” ontdek is. Weinstein is tans in die intensiewesorgeenheid na die operasie wat Sondagaand uitgevoer is.
Die operasie het plaasgevind net dae voordat Weinstein weer in die hof sou verskyn vir sy herverhoor oor bewerings van verkragting en seksuele aanranding. Weinstein, wat in 2018 in hegtenis geneem is, staan tans tereg na meer as 80 vroue hom beskuldig het van seksuele misdrywe.
Sy hofverskyning sal waarskynlik uitgestel word terwyl hy van die operasie herstel.
Bronne: Jacaranda FM, The Independent, New York Times
