NELSPRUIT. – Die moordverhoor van Hillary Gardee gaan vandag voort nadat dit gister uitgestel is om die verdediging kans te gee om met die verdagte, Hlabirwa Rassie Nkuna, te kommunikeer.
Gardee, die dogter van die EFF se adjunkpresident, Godrich Gardee, se liggaam is op 3 Mei 2022 in ‘n plantasie tussen Sabie en Lydenburg gekry nadat sy vir byna vyf dae vermis was.
Nkuna was tydens die moord uit op parool en is 11 Augustus 2022 in hegtenis geneem. Hy het erken hy het Gardee op Facebook ontmoet, wat gelei het tot ‘n persoonlike ontmoeting op 29 April in Mbombela.
Nkuna dien tans twee lewenslange tronkstrafvonnisse uit vir moorde wat ná Gardee se dood gepleeg is.
Bronne: The Citizen, SABC News, X
Lees ook: Polisie het kritieke bewysstuk op Hillary Gardee se moordmisdaadtoneel gemis sê familie en EFF
