’n Hittegolf met hoë temperature word van Maandag tot Donderdag (29 Januarie) verwag. Hierdie hitte word vir dele van Sarah Baartman, Chris Hani, Joe Gqabi, Alfred Nzo, OR Tambo en Amathole, en tot ten minste Vrydag (30 Januarie) oor die Noord-Kaap, sentrale en suidelike Vrystaat en die suidwestelike dele van Noordwes voorspel.
Volgens meteoroloog Annette Botha is impak-gebaseerde waarskuwings deur die Suid-Afrikaanse weerdiens uitgereik.
- 🟡 Geel vlak 2: Erge donderstorms met plaaslike oorstromings van kwesbare paaie, laagliggende gebiede en brûe, groot hoeveelhede klein hael, oormatige weerlig en sterk skadelike winde word verwag oor suidelike Gauteng, die suidwestelike Hoëveld van Mpumalanga, oostelike en sentrale dele van die Vrystaat, noordwestelike dele van Limpopo, sowel as die suidelike dele van Noordwes.
- 🟡 Geel vlak 1: Skadelike winde en golwe wat plaaslike ontwrigting in hawens veroorsaak en risiko vir skepe om water in te neem, word tussen Mazeppabaai en Port Edward vanaf die middag verwag.
🔥 Brandgevaar: 🔥Uiters hoë brandgevaarstoestande word verwag in die weste en sentrale dele van die land, sowel as die sentrale dele van KwaZulu-Natal.
#VoxWeather #Hittegolf #hitte
