GAUTENG. – Barbara Creecy, die minister, en Mkhuleko Hlengwa, die adjunkminister van vervoer, het die Gauteng-Noord-hooggeregshofbevel wat Idemia se aanstelling as voorkeurbieër vir die bestuurslisensiekaarttender tersyde stel, verwelkom.
Die hof het op 6 Januarie 2026 bevind dat die tender onreëlmatig en ongeldig was. Die departement moet die tender binne 30 dae weer adverteer.
Creecy sê die hofbevel bevestig die departement se verbintenis tot deursigtigheid en regmatige tenderprosesse.
Die agterstand van bestuurslisensiekaarte is reeds op 9 Desember 2025 uitgewis, nadat die drukmasjiene tussen Februarie en Mei 2025 buite werking was. Tussen 8 Mei en 8 Desember is 2 239 456 kaarte gedruk.
