Huldeblyke stroom in ná die dood van dr. Franklin Sonn, die eerste Suid-Afrikaanse ambassadeur aan die VSA, wat Saterdag in die ouderdom van 86 oorlede is.
Lees ook: Brandstofprys styg na verwagting in Desember
President Cyril Ramaphosa het sy hartseer oor die dood van Sonn, wat ‘n onderwyser, diplomaat en sakeleier was, uitgespreek.
Die Universiteit van die Wes-Kaap, waar Sonn studeer het, het Sonn geëer en gesê: “Sy nalatenskap van integriteit, leierskap en diens sal aanhou om generasies van leerlinge, burgers en almal wat toegewy is aan die land waarvoor hy so lief was, te inspireer”.
Die ANC in die Wes-Kaap het Sonn beskryf as ‘n “reus van ons nasie en een van die beste seuns van die provinsie”.
Bronne: SA News, IOL, EWN
