Die Junior Bokke het hul voorbereiding vir die Wêreldrugby o.20-kampioenskap op indrukwekkende wyse afgesluit deur Georgië Saterdag met 57-14 op die Markötter-stadion in Stellenbosch te verslaan. Daarmee het die Suid-Afrikaners die eerste o.20 Internasionale Reeks onoorwonne beklink en hul aanspraak as een van die gunstelinge vir die wêreldtoernooi verder versterk.
Die gashere het van die afskop af die pas aangegee en reeds teen rustyd ‘n gemaklike 38-7-voorsprong opgebou. Hul vinnige balhantering, fisieke voorspelerspel en skerp afronding het die Georgiërs voortdurend onder druk geplaas.
Hoewel Georgië hard probeer terugveg het, het die Suid-Afrikaners hul oorheersing in die tweede helfte voortgesit en uiteindelik nege drieë aangeteken om ‘n oortuigende sege te verseker. Die wedstryd het ook die diepte van die Junior Bok-groep beklemtoon, met verskeie spelers wat hul kans met albei hande aangegryp het.
Die oorwinning beteken dat die Junior Bokke die hele Internasionale Reeks sonder ‘n nederlaag voltooi het. Die reeks het waardevolle wedstrydtyd teen internasionale opposisie gebied en die span sal met groot selfvertroue na die komende Wêreldrugby o.20-kampioenskap in Georgië vertrek.
Afrigter Kevin Foote en sy span kan tevrede wees met hul voorbereiding, aangesien die Junior Bokke deurgaans groei getoon het en hul veldtog met ‘n vertoning van gehalte en karakter afgesluit het.
Lees ook : https://nuusflits.com/junior-bokke-verwoes-chili/ en https://nuusflits.com/junior-bokke-storm-voort-op-wenpad/
Vir meer fotos, klik hier. Fotos deur Johan Maree aXnShots.
