Fooongebruikers kan binnekort groter beheer hê oor ongewenste bemarkingsoproepe danksy nuwe regulasies wat daarop gemik is om spam calls te beperk.
Die nasionale verbruikerskommissie sê die wysigings aan die wet op verbruikersbeskerming maak voorsiening vir ’n “opt-out”-stelsel waar verbruikers hulself van direkte bemarking kan laat verwyder. Volgens die kommissie sal bemarkers verplig wees om te registreer en seker te maak hul kontaklyste word opgedateer om die besonderhede van persone wat onttrek het, weg te laat voordat hulle bemarkingsboodskappe stuur.
Die nuwe maatreëls is daarop gemik om verbruikers beter te beskerm en die aantal ongevraagde oproepe en boodskappe te verminder.
