Lees ook: ANC het kaderrekords aan DA oorhandig
KAAPSTAD. – Uitsettingsbevele sal uitgereik word aan hawelose mense wat onwettig in Victoria- en Kloofstraat in Kampsbaai en Culemborgstraat in die middestad van Kaapstad bly. Hulle sal ook van onder hoofwegbrûe verwyder word, aangesien die brûe deur brande beskadig word.
Die uitsettingsbevele sal voor die volgende hofdatum in April 2023 uitgereik word.
Stad Kaapstad het gesê die mense wat uitsettingsbevele ontvang, is dié wat geweier het om die stad se hulp te aanvaar om na veilige hawes te gaan. Die stad het ook ’n program om hawelose mense te help om weer by die samelewing aan te pas, maar van die mense het geweier om daaraan deel te neem.
Kaapstad se burgemeester het gesê: “Geen mens het die reg om ’n openbare spasie as net hulle s’n te eis terwyl hulle enige aanbiedings van skuiling en hulp van die hand wys nie”.
Bronne: Business Live, Cape Town ETC., EWN
Lees ook: ANC het kaderrekords aan DA oorhandig
