KWAZULU-NATAL – ’n Persoon het lewensgevaarlike beserings opgedoen toe ’n dieseltenk Dinsdagoggend omstreeks 10:40 in Mpophomeni ontplof het terwyl daar glo daaraan gewerk is.
Volgend Midlands EMS was nooddienste vinnig op die toneel waar die beseerde persoon aangetef is. Hy was in ’n kritieke toestand en gevorderde noodbehandeling is onmiddellik toegepas. Weens die erns van die beserings is hy tydens stabilisering op die toneel met ’n handventilator ondersteun. Die pasiënt is onder deurlopende sorg van gevorderde lewensondersteuning vir verdere behandeling na ’n nabygeleë spesialishospitaal vervoer.
Die oorsaak van die ontploffing is nog nie bevestig nie.
