GAUTENG. – Drie vragmotors is Woensdagaand op die N3 naby Vosloorus uitgebrand, nadat dit deur gewapende verdagtes aangeval is. Die vragmotors en hul vrag is tydens die voorval vernietig. Die polisie ondersoek sake van kwaadwillige saakbeskadiging en poging tot moord.
Polisiewoordvoerder, kol. Noxolo Kweza, sê volgens inligting het voertuie die pad versper, waarna verdagtes op die vragmotors losgebrand het in ’n poging om dit te kaap. Die bestuurders het daarin geslaag om ongedeerd te ontsnap. Geen verdagtes is nog in hegtenis geneem nie.
Lt.genl. Tommy Mthombeni het die aanval skerp veroordeel en gesê die polisie sal alles in hul vermoë doen om die oortreders vas te trek. Enigiemand met relevante inligting oor die voorval word versoek om na vore te kom.
