MARLOTH-PARK, MPUMALANGA. – Beeldmateriaal van ’n impala wat teen ’n luiperd, hiënas en krokodille te staan kom, is onlangs aan Latest Sightings verskaf.
Travis Carreira, ’n toeris, het die oomblik vasgevang vanuit Marloth-park wat aan die Kruger- nasionale park grens.
In die video kan gesien word hoe ’n jong luiperd ’n impala vang. Dit is nie lank nie voordat ’n hiëna opdaag en die vangs wil deel nie. Die luiperd los die lewendige impala en die hiëna dink hy het gewen.
Kort daarna kom twee krokodille aangewaggel en wil hulle deel van die vangs opeis. ’n Tweede hiëna kom te voorskyn en staan nie terug vir die krokodille nie.
Die insident het glo aan die oewer van die Krokodil-rivier afgespeel.
Kyk hier na die video van Travis Carreira:
Bron: Latest Sightings
