OOS-KAAP. – Die DBV in Randburg en Airlink het Saterdag gehelp om ’n piepklein kluisenaarskrap, Shell-vis Presley, veilig terug te kry na Kidd’s Beach in die Oos-Kaap. Hy het per ongeluk saam met sy skulphuis in Johannesburg aangekom.
Shell-vis Presley het in Johannesburg beland nadat sy skulphuis, wat aanvanklik as leeg beskou is, by Kidd’s Beach opgetel en na Gauteng geneem is. Die mense wat hom gevind het, het die DBV in Randburg om hulp genader om die klein krap weer huis toe te kry. Wildveeartse het met sy versorging gehelp, waarna Airlink aangebied het om hom as een van sy kleinste passasiers terug na die Oos-Kaap te neem.
Die DBV-Randburg het Airlink en almal wat betrokke was by die reddingspoging bedank. “Dit was dalk net een klein krap, maar elke dier se lewe maak saak, ongeag hoe klein,” het die DBV gesê. Shell-vis Presley is nou veilig terug by Kidd’s Beach, waar hy hoort.
