KWAZULU-NATAL. – Minstens tussen 18 en 20 persone, onder wie skoolleerlinge, is vanoggend (Maandag) beseer toe die bus waarin hulle passasiers was, in Annete-rylaan in Reservoir Hills, wes van Durban, omgeslaan het.
Garrith Jamieson van ALS Paramedics sê die hele pad word deur die bus blokkeer en raai motoriste aan om van alternatiewe roetes gebruik te maak. Hy sê nadat die beseerdes na hospitale vervoer is, sal herwinning van die bus begin. ASLS Paramedics en nog ambulansdienste is op die toneel.
Die polisie en metropolisie is teenwoordig om ondersoek in te stel.
Die Durban-metropolisie versoek motoriste om snelheid te verminder en die toneel met versigtigheid te benader. Alternatiewe roetes word voorgestel.
