Kyk: Vrou gered nadat sy met valskermsweeftuig teen rif vasvlieg

Rose Greyling Bilbrough, ‘n valskermswewer, is gered nadat sy Saterdag teen ‘n rif by Buffelsbaai naby Knysna vasgevlieg het.

Sy sê in ‘n Facebook-plasing dat alles Saterdag nie so goed geëindig het nie en dat sy in die hospitaal is met C7- en L1-werwelfrakture.

Sy het onder meer die Nasionale Seereddingsinstituut in Knysna en ER24 vir hul hulp bedank.

Rose is per EMS/AMS-helikopter in Oudtshoorn van die departement van gesondheid in die Wes-Kaap na George geneem waarna sy per ER24-ambulans na ‘n hospitaal vervoer is.

“Lots of bed rest coming up…”