Lauren Dickason, wat daarvan beskuldig word dat sy haar drie jong dogters in Timaru vermoor het, se verhoordatum is vir Julie 2023 bevestig.
Die saak teen Lauren Anne Dickason (40) is Vrydag in die hooggeregshof in Christchurch voor regter Cameron Mander gebring, maar Dickason is van verskyning verskoon.
Haar advokaat, Kerryn Beaton, QC, het namens haar verskyn.
Regter Mander het gesê Dickason se verhoor sal op 17 Julie 2023 in die hooggeregshof in Christchurch begin, en is vir twee weke vasgestel.
’n Voorverhoor-getuienisverhoor sal in Februarie gehou word.
Dickason is sedert haar eerste verskyning van alle hofverhore verskoon.
