Waarskuwing! Foto’s in die berig kan sensitiewe lesers ontstel.
KWAZULU-NATAL. – ‘n Leerling (17) in gr. 10 by Hoërskool Trenance Park is Vrydag tydens ‘n skermutseling ernstig beseer en het steeds ‘n kombuismes in die agterkant van sy nek gehad toe noodwerkers op die toneel kom.
Reaction Unit South Africa (Rusa) sê in ‘n sosialemediaplasing dié diens het ‘n noodoproep vir hulp van die skool gekry. Die leerling het in ‘n vooroor posisie in die skoolkantoor gelê en het hewig gebloei.
Volgens die leerling was hy onderweg huis toe in Amaoti toe drie medeleerlinge hom glo genader en ‘n rusie ontstaan het. Een van hulle het na bewering ‘n mes uitgehaal en hom in die nek gesteek, waarna al drie weggehardloop het. ’n Verbyganger het die beseerde leerling terug tot by die skool gehelp.
Rusa-paramedici het die leerling kort voor 15:00 op die toneel gestabiliseer.
