NOORD-KAAP. – Die liggaam van ‘n toeris, Schalk de Witt (73), is in die Augrabies-waterval nasionale park gevind nadat hy vroeër as vermis aangemeld is.
JP Louw sê SANParke is op 16 Maart 2026 in kennis gestel van die vermiste besoeker, waarna die polisie ontbied is en ’n uitgebreide soektog in die park begin is. Volgens hom het die familie twee dae later, met toestemming van die parkbestuur, bykomende lug- en grondsoektogte gereël. Tydens dié operasie is ’n liggaam op die Dassie-staproete ontdek. Die liggaam is later as dié van De Witt geïdentifiseer. Die polisie het die liggaam van die toneel verwyder en die saak is vir verdere ondersoek na forensiese owerhede verwys.
SANParke het sy innige meegevoel met die oorledene se familie en geliefdes uitgespreek. Die polisie hanteer die saak verder.
