GASA. – Die Israeliese weermag het die liggame van twee gyselaars in Gasa-suid gevind. Judi Weinstein Haggai (70) en haar man, Gadi Haggai (72), is in die stad Khan Younis gekry en is na Israel vir forensiese uitkenning geneem.
Lees ook: VSA veto VN se voorstel vir permanente skietstilstand in Gasa
Die egpaar is volgens die Israeliese weermag deur Hamas op 7 Oktober 2023 vermoor toe hulle Kibbutz Nir Oz aangeval het.
Altesame 56 gyselaars word steeds deur Hamas aangehou, van wie slegs 20 glo nog lewe.
Die egpaar se familie het gesê die twee het op 7 Oktober 2023 gaan stap en het nooit teruggekom nie, maar dat hulle “die afsluiting verwelkom en dat hulle terugkeer vir ’n ordentlike begrafnis by die huis, in Israel”.
Bronne: BBC, Euronews, CNN
Lees ook: VSA veto VN se voorstel vir permanente skietstilstand in Gasa
