WATERLOO, KZN. – ‘n Ma van twee (34) is gistermiddag by haar huis in Masennaweg in Waterloo, KZN doodgeskiet.
Lees ook: Brandstofprys daal moontlik in November
Lede van die Reaksie-eenheid-SA (Rusa) is gebel om na die toneel te gaan. Die vrou se liggaam is op die grond aa die agterkant van die huis aangetref. Sy het ‘n skietwond in die gesig gehad en nog een in die linkerskouer. Sy is op die toneel dood verklaar.
Haar kinders, 17 en 13 jaar oud, het ‘n harde geluid gehoor voordat hulle hul ma se liggaam in ‘n plas bloed gekry het.
‘n Motief vir die moord is nog nie vasgestel nie.
Bronne: Reaksie-eenheid-SA
Lees ook: Brandstofprys daal moontlik in November
